ხელოვნების ექსპერტებმა რენესანსის ეპოქის გამოჩენილი მხატვრის, რაფაელის ნახატის იპოვეს. პატარა ზომის ტილო (30 სმ 40 სმ-ზე), იტალიის პროვინცია მოდენას მუზეუმის სარდაფში დიდი ხნის მანძილზე ინახებოდა. მისი ღირებულება 30 მლნ ევროა. ინფორმაციას Reuters-ი აქვეყნებს.

ექსპერტიზამ დაადგინა, რომ იგი რაფაელის ერთ-ერთი ნამუშევრის “წმინდა ოჯახის” პირველი მონახაზია. ამჟამად, “წმინდა ოჯახი” მადრიდის პრადოს მუზეუმში ინახება.

აღმოჩენამდე, სურათი იტალიის პროვინცია მოდენაში, ესტეების საგვარეულო მუზეუმის სარდაფში 27 000 ნამუშევარს შორის ინახებოდა.

ნახატი იტალიელმა ხელოვნებათმცოდნემ მარიო სკალინიმ აღმოაჩინა. “ჩემი ყურადღება ნახატის დიდმა, მოოქროვილმა ჩარჩომ მიიქცია. ეს არ იყო მე-19 საუკუნის ნამუშევრებისთვის დამახასიათებელი ჩარჩო. იგი ტილოს მაღალ ღირებულებაზე მეტყველებდა”, - განაცხადა სკალინიმ.

სკალინიმ ეჭვის გასაფანტად ქალაქ პიზადან ექსპერტების მოწვევა გადაწყვიტა. მათ ნახატი სპეციალური ”მრავალფენიანი დეტექტორით” შეამოწმეს. დადგინდა, რომ იგი ახალი ფენით მე-17-19 საუკუნეების მხატვრებმა რესტავრაციის დროს გადაფარეს. ნახატს ზედა ფენა უკვე მოსცილდა და თავდაპირველი სახე დაუბრუნდა.

“ისტორიულმა კვლევებმა და ნახატის რეკონსტრუქციამ დაგვარწმუნა, რომ ეს რაფაელის შემოქმედებაა”, - განცხადა ხელოვნების ნიმუშის გულშემატკივარმა.

ნახატი აუქციონზე 29 მლნ ევროდ გაიყიდა.